شوبير يدق مسمار جديد في نعش روي فيتوريا

يناير 31, 2024

Read Time:54 Second

كتب _ باسل فهمي

فتح الكابتن احمد شوبير النار على البرتغالي روي فيتوريا المدير الفني للمنتخب الوطني المصري بعد خروج منتخب الفراعنة من دور ال١٦ إمام منتخب الكونغو الديمقراطية بضربات الجزاء الترجيحية.

وقال شوبير عبر برنامج ملعب أون تايم:” “فيتوريا الذي لم يحقق الفوز في أي مباراة مع مصر هو أغلى مدرب في أفريقيا ومحدش ييجي يعمل مصدوم دلوقتي علشان كله كان عارف وموافق”.

واضاف حارس مرمى الأهلي ومنتخب مصر السابق : “فيتوريا منزل مهند لاشين في آخر دقايق من الشوط الإضافي الثاني، المنطقي إنك لما تعمل تغيير في الوقت ده يبقى علشان ركلات الترجيح، طب نبص لتاريخ مهند لاشين هنلاقيه مضيع قدام السنغال ولسه مضيع مع بيراميدز، طب انت منزله يعمل إيه في الوقت ده! بقالنا سنة ونص كنا لما نتكلم على فيتوريا يقولك اوعى ده بيروح الاتحاد الساعة 8 الصبح بس محدش عارف كان بيروح يعمل إيه؟!”

من جانبه قال الناقد الرياضي فتحي سند : “فيتوريا الفاشل اتعمله عقد تاريخي مايحلمش بيه يجب محاسبة اتحاد الكرة عليه، وكيف تم تجاهل تارجت أمم أفريقيا في التعاقد حال الفشل مش يبقى ملعبناش كورة وخرجنا بكارثة وكمان ياخد فلوس ويمشي وكل ده بعد موافقته ومزاجه!”