ولي أمر رمضان صبحي.. احمد بلال يفتح النار على شريف اكرامي

أبريل 4, 2024أبريل 4, 2024

Read Time:1 Minute, 9 Second

كتب _ زياد علي

انتقد الكابتن احمد بلال مهاجم الأهلي السابق ظهور شريف اكرامي شقيق زوجة رمضان صبحي على شاشات الفضائيات كل فترة للدفاع عن رمضان صبحي وخروجه أو عودته إلى النادي الأهلي مرة أخرى وكأن اكرامي ولي أمر اللاعب.

وكتب نجم الأهلي السابق عبر منشور له على صفحته الشخصية بموقع التواصل الاجتماعي فيس بوك:

“فكره ان شريف اكرامي يطلع كل ٦ شهور يتكلم عن رمضان صبحي وطريقه رحيله وبقائه وهل ممكن يرجع وهكذا وعلاقتها بالاهلي وجمهوره والمبادئ وكده

فكره بالنسبالي انا شخصيا شايفها زي فكره استدعاء ولي الامر عشان ابنه مبيعرفش يتكلم فجايب ابوه خريج جامعه الازهر يتكلم عنه.

وتابع بلال: “لو رمضان عايز يتكلم يطلع هوا بنفسه مش لازم نعيش مسلسل العتاوله مرتين مع كل تقديري لشريف لانه زميل وجميل ومحترم “.

وكان شريف اكرامي قد اطلق عدة تصريحات خلال حواره مع الاعلامي إبراهيم عبدالجواد قال فيها: “رمضان مطلعش في فيدوهات بيسب فيها رموز الاهلي و اهانهم و لا لي فيديوهات مع الفريق المنافس عشان يطلع يعتذر .. عشان كدة متقوليش هو بيخالف مبادئ و قيم الاهلي ..

وتابع : هتقولي رمضان ميرجعش الاهلي عشان الجمهور زعلان عشان اختياره هقولك ماشي ..

وأضاف: هتقولي رمضان مش هيرجع الاهلي عشان كبرياء مسأوليه مش هخليهم يتفاوضوا معاه تاني هوافقك ..

وواصل : انما تقولي رمضان مش هيرجع الاهلي عشان قيم ومبادئ النادي الاهلي فهقولك انت كدا بتنتقد نفسك و بتكيل بمكيالين اصل مش لو لصالحك تقولي دا احتراف ولو الموضوع ضدك تقولي قيم ومبادئ دا كلام ميدخلش العقل”.