بعد سقوطها في حفلة دبي.. شيرين عبد الوهاب في عيون الجمهور

أبريل 29, 2023

Read Time:2 Minute, 16 Second

كتبت _ بسملة علي

اثار سقوط الفنانة شيرين عبد الوهاب خلال حفلتها الاولى بعد عودتها من غياب طال، على أحد مسارح دبي، ردود أفعال متباينة أغلبها متعاطف مع حالتها، والبعض غاضب، ومنهم من يحملها المسؤلية وايضا من يتهم زوجها أو عائلتها.

الكاتب الصحفي محمد الباز كتب على حسابه الشخصي بموقع التواصل الاجتماعي “فيس بوك” : “شيرين عبد الوهاب ليست مطربتى المفضلة ، لا أبحث عن أغنياتها، ولا تطربنى كما تفعل مع الملايين الذين يعتبرونها أيقونتهم، لكننى حريص على استمرارها وخروجها من مأزقها النفسى والإنساني، لا تتوقفوا كثيرا عند ما جرى فى حفلها بدبى، فهى بالكاد تتعافى”.

اما هويدا عاشور فكتبت هي الأخرى:” يا خسارة يا شرين دمرتى نفسك عشان (..) أنا بشوف ان شيرين الموهبة الوحيدة في العالم اللى دمرت نفسها بنفسها”.

الصحفي محمد فوزي علق بقوله :”شيرين موقعتش على المسرح.. شيرين وقعت من على عرشها كاحد أفضل نجمات جيلها

وقعت من نجوميتها ومن خانة تعاطف الجمهور معها وخسرت موهبتها ومبقتش حتى عارفة تغني، خسرت موقعها كميجا ستار وبقت مجرد فنانة يعني

“اصالة وأحلام وأنغام” في حته وشيرين نزلت بقت

جنب جنات ومي كساب وغيرها من نجمات الصف التاني.

شيرين بقت سيئة على كافة الأصعدة وبقت لا صوت ولا سلوك ولا نجومية وأناقة ولا حتى الإطلالة الناس تتكلم عنها.. خلاص بقت شيرين مشاكل اللي عاوزة معجزة عشان ترجع زي ما كانت.

وأه اللي عنده مشكلة نتعاطف معاه مره واتنين وتلاته ومفيش حاجة اسمها دعم لا حدود وخصوصاً لو انت مريض ومش عاوز تساعد نفسك”

إيمان الميهي”مذيعة” كتبت تقول: “شيرين عبد الوهاب فقدت نفسها

صوتها واضح انه مركون من شوية

وتصرفاتها مش متزنة

ولبسها مش لاقية كلام يتقال عنه

وروحها ميتة، شيرين محتاجة تفوق

القصة مش تخن ورفع، شوفوا نظرة عينيها، حرية الحركة، النجومية والكاريزما، الإحساس، السلطنة.. كل ده مبقاش للأسف

زعلانة عليها من قلبي، ونفسي ترجع شيرين السوبر ستار.. الست اللي كلها أنوثة وحيوية وإحساس

مش بلوم عليها بالكامل، كلنا بيدخل ف حياتنا ناس زبالة بتغربنا عن روحنا وتطفينا – رغم استهلاك المصطلح- مش مشكلة نقوم امتى.. المهم اننا نفضل نحاول لحد ما نرجع احسن من الاول ونعالج المرض مش العرض

ربنا يرجعك بالسلامة يا شيرين”.

و سقطت الفنانة شيرين عبد الوهاب على مسرح كوكاكولا أرينا في دبي أدت لإصابة بقدمها، حمّلت المسؤلية لمنظمي الحفل مُهددةً بالمطالبة بتعويض كبير بسبب توزيع أجهزة مكبر الصوت على المسرح بشكلٍ بارز قائلةً:”وقعت بسبب “السبيكر” اللي المفروض تكون مدفونة بالمسرح عشان المطرب ما يوقعش”. وتابعت قائلةً أنّه “للأسف المُنظمين عمرهم ما يتعلموا”.

وكانت حفلة شيرين حققت نجاح كبير بعد غيابها فترة طويلة عن المسرح بسبب مرضها الأخير والتي يبدو أنّها بدأت تتعافى منه مؤخراً.