شوبير يطالب بإعلان ضوابط الجمهور قبل مباراة الترجي ويوجه رسالة لمحمد فخري
Read Time:1 Minute, 6 Second
كتب _ باسل فهمي
اعرب الإعلامي احمد شوبير حارس مرمي الأهلي ومنتخب مصر السابق عن دعمه للاعب النادي الأهلي الناشئ محمد فخري بعد الحملة الشرسة من الانتقادات والتنمر التي يواجهها من خلال رواد مواقع السوشيال ميديا
وكتب شوبير عبر تدوينة له على حسابه الشخصي بموقع التواصل الإجتماعي فيسبوك:”فاهم بالظبط اللي بيعمله البعض علي السوشيال ميديا من هجوم في تطاول وخروج علي كل الاعراف والتقاليد تجاه أي لاعب في الفريق حصلت مع قفشه وحصلت مع الشناوى وحصلت مع محمد هاني ودلوقتي بتحصل مع لاعب صغير لسه بيبدأ خطواته ومغلطش في اي حاجه!!؟؟
وتابع شوبير :”عيب والله .. شد حيلك يافخرى وسيبك يابني من أي كلام فارغ وان شاء الله ربنا هيوفقك وردك هيكون ف الملعب”.
وعن الاستعدادات للقاء الأهلي مع الترجي في الدور قبل النهائي، خاصة بعد ماحدث في مباراة الرجاء بالقاهرة من مضايقات ادارية للجماهير كتب احمد شوبير: “من دلوقتي مطلوب العمل علي إعادة الثقة بين جميع أطراف المنظومة من أجل مباراة الاهلي والترجي في نصف النهائي الافريقي لانها البطولة الكروية الوحيدة تقريبا اللي فريق مصرى ممكن يفوز بيها الاستاد لازم يكون مليان علي الاخر والتشجيع من اول دقيقة لاخر دقيقة.
واضاف الإعلامي شوبير:”اقول للمسئولين اعلنوا من دلوقتي الضوابط بس متمنعش الناس من الحماس والتشجيع وانا متأكد انه لن يحدث اي خروج عن النص باذن الله .. ياللا يا أهلي الـ 11 ان شاء الله.. ملحوظة المتربصون يمتنعون عن التسخين”.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating