(١١) سنة قعيدة و(٤٢)عملية في رجلي .. سماح أنور لكلم ربنا

مارس 14, 2025

Read Time:2 Minute, 22 Second

كتبت _ بسملة علي

كشفت الفنانة سماح أنور عن تفاصيل الحادث المأسوي الذي تعرضت له وظلت قعيدة على كرسي متحرك لمدة ١١ عاما.

وقالت سماح أنور لـ برنامج (كلم ربنا .. مع أحمد الخطيب) على الراديو 9090: “أنا عملت حادثة سيارة قاسية أوي ودخلت المستشفي مفوقتش الإ بعد 3 أيام، وبسببها قعدت ‎ 11سنة على كرسي متحرك بـ عجل!

في لحظه زمن غادره لقيت نفسي قاعده علي كرسي بعجل وكنت مُهدده ببتر أطرافي نتيجة الحادث اللي خلاني 16 سنة من عُمري فاقده التوازن ومش عارف أرجع تاني من ساعتها .

وأضافت: “السنين دي كلها شُفت ربنا وكلّمته بعد ما عملت 42 عملية جراحية في رجليا علشان أقوم واقف تاني !

وتابعت:”الحادثة كل الأطباء قالولى إنى مش همشي تانى، ولا هقدر أشتغل، لكن كنت طول الوقت بحس انهم بيتكلموا عن حد تانى .. مش أنا !

رغم انها كانت حادثة موت،ورغم كل المعاناة اللي بعد كده إلا اني كنت متأكده يقينا إن ربنا كان له قرار تاني . . قرار ان ارجع أقف تاني علي رجلي وهيكتبلي عمر جديد.

واردفت سماح انور : “دى كانت أصعب فترة في حياتي، خاصة أهلى (أبويا وأمي)، اللى كانوا تعبانين، وماكنتش لا بعيط ولا بلطم ولا حاجة،

واكدت انه تجربة قاسية لكن كان عليا إني أختار: أعيش أو أموت .. ربنا كان معايا وحواليا هو اللى ألهمنى إنى أعيش، لأنه حط ده فى قلبي، وبعدها روح ربنا فيا عايزاني أكمّل!

واضافت: “لما كان كل الناس بتيجي تزورني في المستشفي وحد بيدخل عليا بيعيط صعبان عليه اللي حصلّي كنت بضحك وأقوله نكت عشان كنت بحس نفسي كويسة، رغم إنى مشلولة وقعيده.

وواصلت : “أنا شفت ربنا فى أزمتى .. شفته فى الناس اللى بتزورني .. شفته في دعواتي وابتهالاتي وبكايا بالليل وانا بقوله حقك عليا .. شفته في دموع أبويا وأمي .. شفته في السما لما كنت بكلّمه بالليل من شباك المستشفي بعد كله يمشي وأقعد لوحدي،

فى خلال الـ11 سنة اللي قضيتها علي كرسي متحرك عملت لنفسي وحياتى حاجات كتير .

وتابعت: “عملت 41 عملية جراحية علشان أقوم واقف علي رجليا كلهم فشلوا، واللحظة اللى نجحت فيها آخر عمليه ووقفت تاني علي رجلي كانت أعظم لحظة في حياة أبويا وأمى مش عندي ، لأنهم كانوا تعبانين وأنا كنت عايزة أفرّحهم ،

وأوضحت: “لما روحت أشوف الاشاعات الأخيرة كنت لوحدى، مكنتش قايلاهم لأنهم كانوا فقدوا الأمل بسبب فشل الـ 41 عملية اللي قبل كده.

واردفت : “لما ربنا اكرمنى في آخر عملية ولقيت نفسي مشيت ورجعت ع البيت أمى لما شافتنى جالها ذهول وفقدت النطق م الفرحه ، وبقت تصرخ تكلم ربنا وتشكره بصوت عالى،

وتذكرت : “أنا كان عندي يقين جوايا إنى هرجع أمشي وألعب كورة، حتى زميلى الفنان حسين الإمام كان عنده ملعب كبير في بيته، وكنت أقوله والله العظيم هنلعب كورة، رغم إن الجميع قالوا: مفيش أمل ومستحيل، وماكنتش عارفه لية اليقين ده جوايا

و اختتمت بقولها: “في الحادثة شفت ربنا في شيلة الناس ليا علشان يجروا بيا ع المستشفي، وشفته في لحظة شفائي وفرحة الناس بيا لما وقفت علي رجلي بعد كل السنين دي . قادر من فيكون! “.