احمد عبد القادر يفتح النار على جمهور السوشيال ميديا .. وخالد الغندور على الخط

أغسطس 4, 2023أغسطس 4, 2023

Read Time:1 Minute, 48 Second

كتب _ زياد علي

فتح احمد عبد القادر لاعب النادي الأهلي النتر على من اسماهم بالقبيضة واللجان، وهم من يديرون حملات على السوشيال ميديا ضده لأنه لا يلبي رغباتهم -بحسب اللاعب-

وكتب “عبد القادر” عبر منشور له على صفحته الشخصية بموقع التواصل الإجتماعي فيس بوك:
“جمهور الاهلي اكبر منك يا شويه هايفين ياللي بتقبضو الفلوس علشان تعللو ده وتوطو ده انا موسم کامل ساکت مفتحتش بوقي ومش هفتح بس فيه وقت لازم تتقو ربنا فيه جو الادمن بتاعكو والفلوس اللي بتتوزع عليكو وقدام عيني وحد عرض عليا اعمل حملات هجص ولقطه وهنعليك وهنخليك في السما .

وأضاف جناح الاهلي : “دا مش عندي انا ربنا بيكرمني علشان انا عارف انا بتعب ازاي وهفضل طول عمري شريف مش بتاع الف والفين جنيه ابيع بيهم كرامتي فا بلاش انتو علشان انتو لا تمسو للنادي الاهلي باي شئ النادي الاهلي اكبر نادي في العالم مش في مصر فا اللي انتو عاوزينو ده مبعملوش.

وواصل عبد القادر قذائفه الثقيلة بقوله : “والاجازه يا انا يصفحاتكو اللي كلها نفاق ورشاوي وبقولها لاخر مره انا بتاع شغل مش بتاع رشاوي ولو انتو فعلا عندكو ذره ثقه وقلبكو كان جايبكو مكنش البوست اتمسح بعد ساعه علي طول بس انا اللي هنزله صباح الفل”.

على الجانب اخر دخل الإعلامي خالد الغندور لاعب الزمالك السابق على الخط متضامنا مع احمد عبد القادر وكتب :

“طول عمري شايف احمد عبد القادر لاعب كبير مش واخد حقه و عرفت دلوقتي السبب و السوشيال ميديا و لجان القبض و الشتامين و صفحات الاندية اللي بتعمل نفسها بتحب نادي عشان تعمل فلوس من وراء الحب ده .

و تابع الغندور: “للاسف هذه الصفحات ايضا تشتم العبد لله لمجرد الدفاع عن النادي و طبعا بتبقي موجهة عن طريق اشخاص بيدفعوا بس الاهم انه يبان مودب و ابن ناس و مالوش علاقة بالشتيمة .

واضاف: ” الصفحات هي اللي بتشتم بالنيابة عنه من بعيد لبعيد و كل انواع التنمر و العنصرية و الشتم و اللعن اهم حاجة الصفحة تكسب و الممول للشتيمة يدفع و يكون مبسوط و هؤلاء هيقولوا عليك طبال هزاز بتقبض بتاع فتن و تعصب و هما ملوك القبض مقابل الشتيمة و هما ملوك الفتنة و للاسف لا دين و لا ضمير حسبنا الله و نعم الوكيل ربنا ينتقم منكم”.