مرتضى منصور في رسالة طويلة: أنا هزمت كهربا بالقاضية

سبتمبر 2, 2023

Read Time:2 Minute, 35 Second

كتب _ الخبر الجديد

نشر الناقد الرياضي خالد طلعت رسالة ثانية قال إنها مرسلة له على تطبيق الواتساب من مرتضى منصور رئيس مجلس إدارة نادي الزمالك المعزول، يرثي فيها حال النادي بعد أن تركه،

وكتب طلعت عبر منشور له على صفحته الشخصية بموقع التواصل الاجتماعي فيس توك: “تلقيت هذه الرسالة الطويلة من المستشار مرتضى منصور عبر الواتس أب ، وأقوم بنشرها كما هي مع اخفاء بعض الكلمات المسيئة لبعض الأشخاص الذين أكن لهم كل التقدير والاحترام

نص الرسالة كالتالي :

“البقية في حياتك، البركة في اللجان الماجورة و”العيال الصيع” مش انا اللي قلت القادم اسوأ، عباس رفع الحجز لا، اتحلت مشكلة شيكابلا ووقف القيد لا، جددوا لفتوح لا، جددوا لصبحي لا، جددوا لعواد لا، حلوا مشكلة زيزو لا، رفعوا حجز الضرايب لا، دفعوا مرتبات الموظفين والعمال لا.

دفعوا مستحقات فريق كرة القدم واليد والطايرة والسلةً لا، دفعوا مرتبات الاجهزة الفنية والادارية لكافة الالعاب لا، دفعوا مستحقات الاتحادات المختلفة علشان مايتوقفش القيد لا

امال مشوا المجلس ليه علشان النادي يحكمه ….. او اهلاوي، ايه المشكلة، مش رجعوا كل الاعضاء المشطوبين علشان وقائع تزوير وبلطجة و…. و ….

ايه المشكلة

مش رجعوا كل الموظفين المفصولين علشان ….. و …. المهم انهم انصار عباس وسليمان ولبيب ، ايه المشكلة

مش فصلوا مدير النادي ومديري الشؤن القانونية والعقارات والمتابعة والمالية والاستراكات والادارية ومدير النشاط الرياضي والمستشار القانوني للنادي ومعاهم مدير النادي بدون سبب ومنعوهم من دخول النادي شغل ………….. يعني ايه المشكلة

مش برضة اللي رفع قضية عزل رئيس النادي المنتخب اللي كمل سنه وكان فاضل له 3 سنوات هم برضة بيقولوا انهم زملكاوية، وايه المشكلة

مش الزملكاوية دول برضة استندوا في قضية العزل علي حكم صادر لصالح رئيس النادي الاهلي، وايه المشكلة

احنا بس نقعد نجعر ارحل يابنان يااهلاوي ومين اللي بيجعر وزعلانين قوي الـ…….. انصار اللي رفعوا قضية العزل علي رئيس نادي

شيزوفرانيا نطاعة و… قول زي ماانت عايز، والضحية نادي محترم رئيسه اللي عزلوه حصد 44 بطولة منها 14 في كرة القدم، نادي رئيسه انشأ ناديين عالمين احدهما في جامعة الدول العربية والثاني علي ضفاف النيل العالم شهد انه لا مثيل لهما

رئيسه انشأ قناة فضائية كانت حلم الملايين ووصلت الي اعلي نسبة، مشاهدة غير مسبوقة، رئيسه كان بدء في انشاء نادي 6 اكتوبر واستاد الزمالك

وتابع: ” رئيسه لم يفرط في حقوق النادي والدليل قضية الهارب كهربا وحمدي النقا. وفرجاني ساسي وغيرهم

رئيسة ترك قبل المغادرة 37 مليون جنية من تخصيص بعض المحلات لرجل اعمال اسمه محمد نور رئيسه ، ترك 9 الاف دولار يعني حوالي 34 مليون جنيه

رئيسه هزم كهربا الاهلي بالضربة القاضية ويوم 6 اكتوبر آخر ميعاد لكهربا والاهلي لدفع 2 مليون وخمسمائة الف دولار يعني حوالي 100 مليون جنيه ، رئيسة لم يتقاضي مليم من الشركة الراعية والمفروض كانت تدفع 120 مليون جنيه

رئيسه كان بدأ يحصل الاشتراكات من الاعضاء المحترمين اللي بدأوا يدفعوا وللاسف مشينا وللنادي حوالي 70 مليون جنية

رئيسه كان المفروض يحصل مالايقل عن بيع واعارات اللاعبين 40 مليون جنية، لك الله يازمالك بعص اللي عاملين انهم ابناءك كل مايفوق ويشم نفسة يدمروة من اجل حفنة جنيهات ، اتحدي اي دكر يكذب المعلومات المكتوبة ، اي دكر.

وأتم رسالته: “هذا ردي علي سؤلك يادكتور والاجابة ليك ولكل الزملكاوية المحترمين المخلصين اعضاء جمعية عمومية وجماهير”.

ملحوظة: عزيزي القارئ حاولنا قدر الإمكان تصحيح الأخطاء الإملائية الواردة في الرسالة وهي كثيرة وعليك أن تتوقع الكلمات مكان النقاط.