مدرب الإسماعيلي: كل يوم بنقرا الفاتحة لايهاب جلال

نوفمبر 1, 2024

Read Time:1 Minute, 22 Second

كتب _ باسل فهمي

قال الكابتن حمد ابراهيم المدير الفني لفريق الإسماعيلي أن الأمور داخل النادي تمضي بشكل مطمئن عملنا معسكر الدوحة و خرجنا منه بإيجابيات كتير و لعبنا مباريات ودية و عملنا نتائج إيجابية ، لكن المهم هو بداية الموسم بشكل صحيح و ده الأهم في الجاى ..

وتابع المدير الفني للدراويش في حوار له مع برنامج اون تايم : “شرف كبير لي جدآ تولى مسؤولية تدريب الاسماعيلى و شرف للجهاز الفني المعاون ، مش فارق أنى عندى مين من اللعيبة ولا فارق معانا ايقاف القيد هيتفتح ولا لا اللى بنفكر في حالياً ازاى نعدى بنادينا لبر الأمان في الفترة الجاية ..

واضاف “ابراهيم”: اللعيبة سواء كبار أو صغار كان في جلسات للاعبين و حديث دائم عن أن أى لاعب هيفكر في أي حاجه غير الفريق و الملعب مش هيكون معانا ، و اللعيبة مقدرين ده و ماشيين بشكل كويس جداً و في التزام من الجميع ..

وأكد على أن مباراة غزل المحلة مباراة قوية في البداية و هو فريق كبير و عمل صفقات كويسه ، جدول الدورى أختلف ولازم نلعب مباريات كؤوس المباراة اللى هتتلعب مش هترجع تانى لازم نكون قد المسؤولية و نجمع نقط تأمن موقف الفريق في الجدول من البداية..

واردف : أن شاء الله نعمل مباراة قوية قدام منافس قوي و محتاجين من ربنا التوفيق و يكلل مجهود اللعيبة في الفترة الأخيرة لأنهم فعلاً عاوزين يعملوا حاجه حلوه للجمهور ..

وطالب بدعم الجمهور : محتاجين دعم الجمهور و مساندة الفريق في أول مباراة رسمية في الدور. مباراة قوية على أرضنا و محتاجين الجمهور يقف مع الفريق زى ما عودنا ديما ..

ـواتم بقوله: الكابتن إيهاب معايا في كل لحظة كل يوم بنفتكر مواقفه معانا و مع اللاعبين و مع الجميع في النادى الإسماعيلى و يومياً نقرأ له الفاتحة قبل بداية المران .