“واحد منكم وهفضل واحد منكم”.. ميشيل يانكون في وداع الأهلي

مايو 30, 2025

Read Time:53 Second

كتب _ باسل علي

ودع ميشيل يانكون مدرب حراس مرمى النادي الأهلي القلعة الحمراء وجماهيرها برسالة مؤثرة، بعد ان تم انهاء التعاقد معه نظرا لقدوم مدير فني جديد ومعه طاقمه بالكامل، وعبر يانكون عن حبه وتقديره وسعادته بالفترة التي قضاها في مصر .

وكتب مدرب حراس المارد الأحمر السابق عبر منشور له على حسابه الشخصي بموقع التواصل الاجتماعي فيسبوك:

“‏٦ سنين كانوا أكتر من مجرد شغل… كانت رحلة حب وانتماء ونجاحات مع نادي عمري ما هنساه، ‏كل لحظة قضيتها في التتش، وكل مباراة، وكل دمعة فرح بعد بطولة… هتفضل محفورة في قلبي.

واضاف: “‏فخور إني كنت جزء من الفريق اللي قدر يحقق ١٩ بطولة مع الأهلي، ‏اشتغلت مع حراس عظام، أخواتي قبل ما يكونوا لعيبة. فخور بكل لحظة قضيناها سوا، لكن أكتر حاجة عمري ما هنسى حبها… جمهور الأهلي.

وتابع يانكون: “‏أنتم القلب الحقيقي للنادي. أنتم الروح. أنتم اللي بتدوا المعنى لكل لحظة عشتها هنا، ‏وقعت في حب مصر والمصريين من أول لحظة… وهفضل شايل الحب ده في قلبي دايمًا.

واتم بقوله: “‏مصر أم الدنيا، ‏شكراً من قلبي لكل شخص دعمني وحبني… أنا واحد منكم وهفضل دايماً واحد منكم”.