الزمالك يشارك في كأس العالم للأندية ٢٠٢٥ بشرط

مايو 20, 2023

Read Time:1 Minute, 15 Second

كتب _ ابراهيم محمود

استبعد الناقد الرياضي خالد طلعت مشاركة فريق الزمالك في كأس العالم للأندية بنظامها الجديد والمقرر إقامتها في عام ٢٠٢٥، إلا في حالة واحدة شبه مستحيلة.

وكتب طلعت عبر منشور له على صفحته الشخصية بموقع التواصل الاجتماعي فيس بوك: “الناس اللي بتتكلم عن امكانية مشاركة الزمالك في كأس العالم للأندية 2025 بعد وصول الأهلي والوداد للمباراة النهائية لدوري الأبطال ، الكلام ده غير صحيح تماما والزمالك بعيد تماما عن المشاركة الا في حالة واحدة فقط لو احتل المركز التاني في الدوري وفاز بدوري الأبطال الموسم المقبل

وأوضح أن كاس العالم للاندية 2025 هيشارك فيها الأهلي بطل 2021 ، والوداد بطل 2022 ، وكان المفروض بطل 2023 ، ومعاهم بطل 2024

واضاف:”بما ان الاهلي والوداد وصلوا نهائي 2023 يبقى الفيفا هياخد الفريق الأعلى في تصنيف الكاف اخر 5 سنين عشان يشارك بدالهم ويكون الفريق الافريقي الرابع

مشيرا إلى أن تصنيف الكاف حاليا ، الأهلي الأول 78 نقطة ، والوداد التاني 74 نقطة ، والترجي التالت 56 نقطة ، وصن داونز الرابع 51 نقطة ، والرجاء الخامس 50 نقطة ، والزمالك السادس 39 نقطة

واردف:”بما ان الاهلي والوداد كده كده هيشاركوا ، فالمنافسة على الفريق اللي هيشارك بديلا ليهم محصورة بين 3 فرق فقط وهي الترجي وصن داونز والرجاء لأن الزمالك بعيد تماما عنهم في النقط أكتر من 10 نقاط كاملة وأكتر من 15 نقطة مع الترجي

مؤكداً:”اللي هيحدد مين من الـ3 فرق اللي هيشارك هو نتايجهم في النسخة المقبلة من بطولات افريقيا سواء دوري الأبطال أو الكونفيدرالية ، الوضع الحالي الترجي هو الأعلى نقاط والأقرب للمشاركة لكن الوضع ممكن جدا يتغير بتواجد صن داونز أو الرجاء حسب نتايجهم الموسم المقبل”.