النص الكامل لاغنية مسلسل جعفر العمدة
Read Time:1 Minute, 20 Second
كتبت _ بسملة علي
قام الشاعر هشام الجخ بنشر الكلمات الكلملة لأغنية (أنا قادر) الاي غناها المطرب احمد سعد في تتر مسلسل (جعفر العمدة) بطولة محمد رمضان وايمان العاصي وحالة صدقي وعدد من النجوم والذي تم عرضه في شهر رمضان الماضي ولاقى نجاحا جماهيريا كبيرا.
والاغنية من كلمات : هشام الجخ
سوق الندالة وسع والكل بقي بيلت
ولما النصاص بتقوم تلقى الأصيل بيشت
العوزة هي الميزان
فيها الرجال بتبان
ومادام قلع توبه
يبقى مالوهش أمان
بيعه كمان وكمان
وافرح بإنك بعت
توب الشرف حساس لو اتقلع بيعت.
واديني لسه بتفرج
ده سيرك أسوده بتهرج
ودنيا مشيها أعرج
وانا صابر……
على وشي سمار زنهار
وقلب اخضر لكن صبار
ومهما يطول المشوار
أنا قادر……
لا عمري طمعت في اللي معاك
ووقت الشدة كنت وراك
ومش قصدي اني كنت ملاك
لكن شبعان……
وفاتح قلبي ع المكشوف
وبعشق موت ومش مكسوف
كلامي دوغري مش ملفوف
ولا باهت……
أنا صابر وصبري شديد
ومهما بتخلف المواعيد
أنا بضحك عنيد وسعيد
واقول هانت……
قابلت كتير وشفت كتير
ولا خفتش من المشاوير
ورغم الويل فضلت كبير
مابصغرشي .
ولا مدتش إيدي ف يوم
وشيلت حمولي كوم ورا كوم
ويحلالي أيات مظلوم
ولا اظلمشي .
غريب في بلاد ماتعرفنيش
وبستنى الوعود ماتجيش
وحتى زماني مانصفنيش
يا دنيا وشوش .
عايشها زي خطوة ضيف
وانا صادق في صحبة زيف
وصدق الحر غية وكيف
مابيسبهوش .
معاك في الضيقة مهما تدوس
ولا ابيعك بأي فلوس
لكن لو بعت حابقى كابوس
في أحلامك .
عاشرني تعرف الرجال
تليق الشيلة ع الشيال
بجد ومش كلام أقوال
وقدامك..
لا عمري جريت ولا اتخبيت
على الطبلية انا اتربيت
وعارف معنى كلمة بيت
وانا حامي
لا بدهن زينة ولا بويا
ووقت الشدة على أبويا
ولحم كتافي من أبويا
ومن اعمامي
.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating