“كلام محبط ويزعل”.. أفشة يصف الموسم الماضي في الأهلي

أغسطس 4, 2023

Read Time:1 Minute, 3 Second

كتب – باسل علي

وصف الكابتن مجدي أفشة الموسم الكروي بأنه من أكثر المواسم ضغط وتوتر وتراجع ذهني، مشيرا إلى أنه لا يعرف الاستسلام واجتهد في التمرين حتى استعاد نشاطه وتركيزه.

وقال “أفشة” في تدوينة له عبر صفحته الشخصية على الفيسبوك :”الحمدلله نهاية الموسم علي خير، واحد من أصعب المواسم وأكثرها ضغط انتهت بأن الاهلي دائما كسبان.
موسم كان فيه لحظات فيها قلق وتوتر نفسي، تراجع ذهني ووجع قلب بعيد عنكم الاستسلام كان حل سهل بس للاسف انا معرفوش كل ما ضاقت اكثر كل ما كنت اشتغل اكثر، تمرين فوق التمرين تركيز علي التركيز هدف واحد بس اوعي تسيب لحظه في النادي الاهلي متحطش اسمك فيها كل حاجه بتتعوض إلا الزمن، الحمدلله ١٢ بطوله مع الاهلي ١٤ صناعة هدف، ٢٢ فرصه محققة، نسبه مشاركة تخطت ال ٧٠٪؜ وللسنه الرابعة علي التوالي اكثر لاعب مساهمه في اهداف النادي، فضل ربنا ودعم زمايلي في الفريق، سمعت كلام كثير محبط ومش حقيقي مش هقول ظالم بس اقل حاجه يزعل، عموما ده ضمن الباكيج مفيش حلاوه من غير نار، الكلام ده حرفيا كان هو النار الي بتخليني عندي اصرار اكثر وغيره ورغبه انا اكون اقوي من اي كلمه اتقالت .. في نهاية الموسم شكرا ل كل الي انتقد سواء سلبي او إيجابي كلامكم شحن البطاريه . ووقت الإجازه وضميري مرتاح علشان فعلا تعبت جدا السنه دي”.