“مرتضى ” يهدد “هتلر”: هتتحاسب
Read Time:59 Second
كتب _ باسل فهمي
رد أحمد مرتضى منصور القائم بأعمال رئيس نادي الزمالك على تصريحات احمد رمضان “هتلر”، مدرب فريق كرة اليد لصحيفة الكأس القطرية ليلة أمس.
وقال “مرتضى ” في تصريحات له عبر فضائية “الزمالك” : “انت مسافر بفلوس نادي الزمالك ولابس لبس بفلوس نادي الزمالك وراكب عربية بفلوس نادي الزمالك وواصل المطار بفلوس نادي الزمالك وقاعد في الفندق على حساب نادي الزمالك وقاعد في الطايرة على حساب الزمالك”.
وأضاف احمد مرتضى: “انت حضرتك فاهم غلط، انت قبل ما تسافر واخد فلوسك واللعيبة واخدة فلوسها وفي لعيبة أصرت تاخد فلوس قبل ما تسافر بدون توضيح أنا مش هتكلم كتير لأن أنا شايف إن منصب رئيس النادي مفروض متكلمش على مدرب ولا لاعب ولا عضو مجلس إدارة في مشرف يبقى يتكلم معاه ويجزيه أو يمشيه”.
وتابع القائم بأعمال رئيس النادي: “الكلام ده أكيد ليه حساب والحساب هيكون في توقيت مناسب. إذا كنا مش عارفين في أصول الرياضة إن انت في ماتش مفروض متتكلمش كدة وتتكلم في قناة أجنبيه على نادي الزمالك، لأ نادي الزمالك كبير ومجلس إدارته رافع راسه ولاعبيه رافعين راسهم ومدربيه رافعين راسهم”.
وأختتم بقوله : “لو حد خرج عن السياق أكيد في عقوبة مفيش حد فوق العقوبة، مفيش حد في النادي هيكون فوق المسألة ومش هتكلم اكتر من كده”.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating