ريم طارق تعلن انتهاء الخلافات مع طليقها حسن شاكوش

سبتمبر 8, 2023سبتمبر 8, 2023

Read Time:2 Minute, 27 Second

كتبت – بسملة علي

على طريقة “الصلح خير” أعلنت البلوجر ريم طارق طليقة مغني المهرجانات حسن شاكوش انتهاء الخلاف بينهما، بعد سلسلة طويلة من الفضائح والإثارة عبر السوشيال ميديا والفضائيات، إلا انها وبشكل قاطع نشرت ريم مقطع فيديو اليوم، تعتذر من خلاله لطليقها حسن شاكوش عبر حسابها الرسمي بموقع إنستجرام.

وقالت: “اللهم لك الحمد الموضوع خلص على خير ودا اللى كنت بتمناه من البداية خراب البيوت وحش ومش ترند ده أبغض الحلال عند الله الطلاق اجتنبوا كثيرا من الظن أن بعض الظن آثم ربنا ما يكتب على أى حد التشتيت أو تفريق القلوب ربنا يكتبلنا الخير ويعوضنا فى الجاى ويبعد عنكم جميعا خراب وهدم البيوت”.

وكانت قد كشفت ريم طارق، كواليس تفاصيل فيديو اعتذارها، والتى نشرته أمس عبر خاصية الاستوري على موقع انستجرام والذي نشره “شاكوش” بعد انتهاء الخلافات بينهما، مؤكدة أن القضايا المرفوعة من الطرفين ما زالت قائمة.

وقالت ريم طارق، طليقة حسن شاكوش، في لايف عبر حسابها الشخصي على موقع تبادل الصور والفيديوهات إنستجرام، إن عم طليقها تدخل لحل هذة الأزمة، مؤكدة أن هذا الفيديو كان بالاتفاق، إذ أوضحت: عم حسن شاكوش تدخل بينا، وقالي لما تاخدي حقك هتطلعي تقولي إني خدت حاجاتي من الإنسان المحترم.

وأضافت ريم طارق طليقة حسن شاكوش: الاتفاق بينا نعمل أنا وحسن كل واحد فيديو، وأنا بس اللي عملت ولسه الاتفاق مخلصش، المفروض كان ينزل الفيديو الأيام الجاية ومعرفش إيه لازمة الفيديو ينزله النهاردة.

وتابعت ريم طارق: الحمد لله المشاكل خلصت إلى حد ما يعني، وهو محترم عشان أداني حاجاتي اللي في البيت لأني مكنتش عارفة أخد حاجاتي، وهو إنسان محترم عشان حافظ على حاجاتي لمدة 5 شهور عنده في البيت، وأنا اللي كان حقي مسلوب والحمد لله إني خدتها، لإن دي كانت أكتر حاجة وجعاني مش الماديات.

وبشأن القضايا المرفوعة في المحكمة من الطرفين، أكدت ريم طارق أن القضايا ما زالت قائمة في المحاكم، ومن المفترض أن يتنازل عنها الطرفان خلال الفترة المقبلة، مردفة: ارتحت إني عرفت أوصل لحل وكان شيء مستحيل إني أعرف أدخل البيت ده تاني، بس الحمد لله.

وفي السياق ذاته، نشر حسن شاكوش فيديو عبر حسابه الشخصي على موقع تبادل الصور والفيديوهات إنستجرام، فيديو طليقته ريم طارق تعتذر له من خلاله، وقالت ريم في الفيديو: الحمد الله.. أخدت كل حقوقي الشرعية من حسن، والحمد لله إني طلعت شخص كويس، وهو كمان شخص كويس، وراجل محترم، وكل اللي حصل ده كان سوء تفاهم وتدخل أكتر من طرف، وأي حد سيرته جت في الموضوع سواء من أهله أو من أهلي أو مامته فـ حقهم على راسي وكل شيء قسمة ونصيب.

وعلق حسن شاكوش على فيديو اعتذار ريم طارق، قائلًا: أنا أولا بشكرك يا ريم على كلمة الحق اللي قولتيها في حقي دلوقتي وذكرت إنك مشوفتيش مني غير الخير، وقابل اعتذارك على ما صدر منك وأنا مكانش ليا أي رد فعل قدام الناس ومش من تربيتي إني أشهّر ببنات الناس حتى لو رد على كلام يجرحني أو إساءة ليا.

وأردف: مع إن ده كان مأثر عليا نفسياً وعلى أهلي وكل اللي حوليا وقابل اعتذارك، وعفا الله عما سلف والمسامح كريم، وأتمنى لك كل خير في حياتك وأشوفك دايما بخير.