سفاح الجزيرة.. ناقد رياضي يصف “موديست” مهاجم الأهلي الجديد

سبتمبر 9, 2023

Read Time:1 Minute, 8 Second

كتب _ باسل فهمي

ابدى الناقد الرياضي خالد طلعت تعجبه ممن يسخرون من سن انطوني موديست مهاجم درتوموند السابق والذي يفاوضه النادي الأهلي ليكون رأس الحربة للفريق في الموسم الجديد مؤكدا أنه سيكون سفاح الجزيرة
وكتب طلعت عبر منشور له على صفحته الشخصية بموقع التواصل الإجتماعي “فيس بوك “:

“الناس اللي بتقول ان انتوني موديست سنه كبير (35 سنة) ومش هيفيد الاهلي ودورتموند سابه ببلاش ولو كان فيه الخير مكانش رماه الطير.

وأضاف: “عايز افكرهم ان حسام وابراهيم حسن الاهلي سابهم ببلاش سنة 2000 وكان عندهم 34 سنة ، وراحوا الزمالك لعبوا 4 سنين لحد 38 سنة

وتابع “طلعت “: التوأم كسبوا مع الزمالك 3 دوري ، 1 كاس مصر ، 1 دوري ابطال افريقيا ، 1 كاس السوبر الافريقي ، 2 كاس السوبر المصري ، 1 البطولة العربية ، 1 السوبر المصري السعودي

موضحا ان، وابراهيم كانوا من أهم لاعبي الزمالك في الوقت ده وكانوا لاعيبه اساسيين

حسام كراس حربة سجل 51 هدف مع الزمالك في 4 سنين وهو سنه من 34 الى 38 سنه !!

واردف: “دول حسام وابراهيم اللي هما لاعيبة مصريين وبيلعبوا في مصر ، واللي سابهم ببلاش نادي مصري برضه

واستطرد الناقد الرياضي: “انتوا متخيلين بقى مهاجم فرنسي Class A لياقته البدنية عالية ، واللي سابه واحد من أكبر ناديين في ألمانيا ، وكان بيلاعب بايرن ميونيخ وشالكه وشتوتجارت وباريس سان جيرمان وموناكو ومارسيليا لما ييجي مصر مع فارق المستوى الكبير ويلاعب الداخلية وبلدية المحلة وسيمبا وسان جورج هيعمل ايه مع الأهلي .. هيكون سفاح الجزيرة”.