كتب _ زياد علي
اكد كريم فؤاد لاعب الفريق الأول بالنادي الأهلي عن تقبله بالرضا والاحتساب إصابته بالرباط الصليبي للمرة الثانية بقوله:”الإبتلاء اللي هاخد عليه اجر كبير وعظيم مش بالصعوبة القاسية اللي توجعني وتهدّني “.
وكتب اللاعب عبر منشور له على صفحته الشخصية بموقع التواصل الاجتماعي فيسبوك:
“كل خسارة دُونَ الجنة ، فهي دُون ، اللهم لك الحمد كما ينبغي لجلال وجهك وعظيم سلطانك ، الدنيا دار إبتلاء وشقاء ودايماً الإبتلاء بيجي للشخص في الحاجة اللي هو بيحبها ونِفسه فيها وطموحه وسعادته فيها ، ودا بيكون إختبار ليك هتعمل ايه في الموقف دا ، وان الإختبار والبلاء دا بيكون ليه أجر كبير ورفع درجات في الجنة وتكفير ذنوب وحاجات كتير عظيمه اوي مقابل اني اصبر على الإبتلاء دا .
واضاف نجم الأهلي: “انا كان مكتوبلي اصابة في الرباط الصليبي للمره التانيه ، بس عندي احساس تاني خالص مع الإختبار دا ، انه انا في نعمة كبيرة اوي وان الحمدلله ربنا رزقني بإختبار سهل وهين أوي مقابل إبتلاءات ناس تانيه اصعب من دا بكتير ، وكمان إختبار مش جديد عليا بَعيده للمرة التانية في وقت قصير ف هعرف اتعامل معاه بشكل كويس ويمكن احسن .
وتابع كريم فؤاد: “عشان كدا بحمد ربنا ان الإبتلاء اللي هاخد عليه اجر كبير وعظيم مش بالصعوبة القاسية اللي توجعني وتهدّني .
واكمل : “انا بحمد ربنا وراضي ومؤمن جداً إن ربنا بيحبنا نقرب منه بالعبادات اللي منها الصبر والدعاء ..
واختتم: “الحمدلله مستعد للإختبار ومتحمس شوية وقت وهنرجع نحارب من تاني أشوفكم على خير قريب “.
Leave a Reply