كتف ابويا
Read Time:24 Second
كتف ابويا ياما شال
ياما حنن ياما هنن
من و انا لسه بسنن
كتف ابويا كان مخده
ياما طبطب ياما هدا
و الزمان أول ما عدى
كتف ابويا شاب ما شابشي
كان ف وقت الخوف كلبشي
كلبش الخوف اللي فيا
أصل ابويا إيديه عفيه
كان بيقرا حروف عينيه
ف انبساطي و ف عياطي
قال لي إوعي ف يوم تطاطي
كتف ابويا كان شريف
كتف ابويا كان نضيف
كان بيتعب ع الرغيف
حتى لما حب يمشي
قرر انه يموت خفيف
شعر/ سمر سعفان
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating