الحويني وقطايف سامح ولطايف رمضان!!

مارس 17, 2025مارس 17, 2025

Read Time:45 Second

مطلوب تقول رأيك في وفاة الحويني الله يرحمه، وانت شاكك في عدد ركعات تراويحك وهي اصلا سنة ولا بدعة، وضابط قنا وهل تتعاطف معاه ولا تدينه، وافطار المطرية اللي بقى مف خرة! و كمان افطار الفيوم اللي كان مسخرة، وقطايف سامح حسين والاعتراف الضمني بفشل الإعلام الرسمي واعلام تركي ال شيخ ، ومدفع رمضان وهل بينتقي المستفيدين ولا هي بتيجي كدة ببركة محمد رمضان ودعا الوالدين، وتبعات ماتش الأهلي والزمالك، ومين اللي هيفوز اتحاد الكرة بحصانة ابوريدة الدولية ولا الرابطة بحصانة احمد دياب المحلية “بسكر”، و الأهلي بنفوذ الشيخ العرجاني ، ولا الزمالك بجيش المسئولين الحكوميين اللي بيساندوه، ولا بيراميدز اللي مستني التفاحة تسقط في حجره ببركات النفوذ والتمويل الإماراتي، وتسمع خطبة فخامة سيادة الرئيس وتصدق قوة اقتصاد مصر وتماسك جبهتها الداخلية، وانت محفظتك بتصفر، وفيزتك لمؤاخذة بتشخر ! ومش عارف تلاقيها منين ولا منين!.

حزن الختام:

يا ايوب انا صابر

مرغم بس بكابر

بتعدي الأيام

امتى تروق مش خابر

بقلم/ علي إبراهيم