دومة والجيل في شعره!

أغسطس 20, 2023

Read Time:1 Minute, 5 Second

وانا في لجنة العفو الرئاسي في ٢٠١٦ في الفترة اللي قعدتها فيها (تقريبا ٣ شهور ) قبل اعتذاري عنها…كان اسامة الغزالي حرب بيضغط علينا انا وطارق الخولي ومحمد عبد العزيز و كريم السقا، أننا نحط اسامي دومة وماهر ضمن اسماء نقترح الإفراج عنها عشان نقدمها للرئاسة ، وكان منطقه أن دي اسامي يرضي امريكا والغرب الإفراج عنها.

انا كنت رافضه نهائي وكان منطقي اللي تطلبه امريكا ماليش فيه…انا مع كل شاب لم يمارس عنف أو ارهاب واتغابى أو اتاخد غلط ومالوش بوق دعاية يوصل صوته، يومها قال محمد عبد العزيز في محاولة لفض الخلاف بيني وبين أسامة،أنه متفق معايا لأن الناس دي،زي دومة وماهر وعلاء عبد الفتاح…ناس بيتصرف عليها بالدولار هي و الدفاع عنهم لصناعة ابطال.

النهاردة تم الإفراج عن أحمد دومة بعفو رئاسي ؟

افتكرت الواقعة وخصوصا لما شفت دومة وشعره الطويل الكيرلي المعمول جيل….وطبيعي أنه كان مسجون ومش مسموح له يطول شعره….وبقالنا سنين بنسمع أنه بيعاني!!!!!!

مدركة أن عند بلادي ملفات سياسة كتير بره وجوه …. دومة زي محمد سلطان زي أية حجازي زي ناس كتير ….متهمين جنائيين بحكم نهائي بات ….

دومة ما كانش مسجون سياسي ده مسجون جنائي في تهمة حرق المجمع العلمي ….اخد حكم ١٥ سنة وغرامة ٦ مليون جنيه نظير التلفيات اللي عملها….قضى تلتين المدة وخروجه يخفف زن اللي بيدفعوا تمن جيل الكيرلي اللي خرج بيه.

نشوة الحوفي

كاتبة صحفية