انسحاب الأهلي.. ” العمايرة” يقصف جبهة خالد الغندور والاخير يرد

أغسطس 31, 2023أغسطس 31, 2023

Read Time:1 Minute, 24 Second

كتب _ باسل فهمي

هاجم المهندس عامر العمايرة خبير اللوائح خالد الغندور بسبب إصرار الأخير على أن النادي الأهلي قد انسحب من بطولة كأس الرابطة والمطالبه بتوقيع عقوبة على الفريق وقال الغندور:”هو فين عقوبة انسحاب الزمالك من السوبر و فين عقوبة انسحاب الاهلي من كأس الرابطة و دي بطولات رسمية مش ودية و الاثنين مؤهلين لكأس النخبة”.

وكتب ” العمايرة ” عبر منشور له على صفحته الشخصية بموقع التواصل الإجتماعي “فيس بوك “:

“عيب لما كابتن تاريخى لنادى الزمالك و إعلامي قديم و مش عارف أن لائحة المسابقات مفيش فيها عقوبة للإعتذار أو الانسحاب من كأس الرابطة و لكن فيها عقوبة للانسحاب من كأس السوبر وتكتب كده لأن ده بيثبت أنك تجهل الكثير عن اللوائح المنظمة للبطولات يا أبو الكباتن يا ريت تقرأ ممكن تفهم صح”.

من جانبه رد خالد الغندور بقوله:

“الي المهندس عامر العمايرة الاهلاوي الكابتن التاريخي عارف كويس جدا ان اي بطولة محلية رسمية في اي دولة في العالم لها نظم و لوائح تنظمها و لا تسمح بإنسحاب نادي من اي بطولة بعد اجراء القرعة و تحديد اللقاء و طلب النادي تاجيل اللقاء و رفض طلبه و ارساله لايحة خاطئة للرابطة و ده النادي الاهلي مش الكابتن التاريخي بيقول انه من حقه عدم اللعب بسبب انضمام اكثر من لاعب دولي للمنتخابات و يكون الرد من الرابطة دي لايحة الدوري مش لايحة كاس الرابطة التي تلعب بدون اللاعبين الدوليين و الاهلي لعب فيها بالناشئين الموسم قبل الماضي فيقرر الاهلي الانسحاب لرفض تنفيذ طلباته الخاطئة و لو سمحنا لأي نادي الانسحاب من اي بطولة رسمية علي المزاج يبقي مافيش نظام و لا سيستم نهائي يعني بالعربي بطولة الرابطة يصحي الصبح نلاقي ١٧ نادي منسحب او معتذر بعد اجراء القرعة و الشركات الراعية للبطولة تفشر بصل و لا يكون هناك اي عقوبة علي الاندية”.