“وصلنا للحضيض” .. ميدو تعليقا علي تصريحات فاروق جعفر واستقبال الناس لها

يونيو 26, 2023يونيو 26, 2023

Read Time:1 Minute, 4 Second

كتب _ نبيل حمدي

اعرب احمد حسام ميدو عضو اللجنة الفنية بنادي الزمالك ومقدم برنامج الريمونتادا عن دعمه للكابتن فاروق جعفر بعد التصريحات الإعلامية التي أدلى بها لعدد من البرامج الحوارية، وتخص موقفه من توقيع نجله سيف جعفر لفريق بيراميدز.

وأعرب ميدو عن استيائه من التعليقات التي تنتقد نجم فريق الزمالك والمنتخب الوطني السابق، مشيراً إلى أنها تحمل بذاءات غريبة تحتاج إلى عمل دراسات اجتماعية حولها مشيرا إلى إننا وصلنا الى “الحضيض”.

وكان فاروق جعفر قد قال مع الإعلامية لميس الحديدي :* انا زعلان ومتضايق جدا من سيف ومش بكلمه النادي ده احنا اتربينا فيه ولحم كتفنا من خيره وانا مربيه على كده معرفش مين لعب في دماغه وخلاه يعمل كده

وتابع نجم الزمالك السابق:” في خلاف عائلي وكده وانا مش بشوف سيف وهو معرفش بيعمل ايه في سيطرة عليه من الناحية التانيه من والدته بس انا زعلان جدا من سيف

واردف: “لو احنا كنا عشنا كويس ولا لبسنا كويس وكلنا كويس ده بسبب نادي الزمالك ولو اتعمل لينا شعبيه فا ده من الزمالك اسم سيف مرتبط بفاروق جعفر يعني ولاد النادي

واستطرد “جعفر ” انا معرفش ايه اللي بيحصل بس برضو مينفعش يسيب النادي مع احترامي لنادي بيراميدز نادي كبير ومحترم مقولناش حاجه بس مينفعش ياجماعة.

وكشف فاروق جعفر بقوله : “انا اخر مره شوفت سيف كانت من سنتين خلينا بقى نتكلم بصراحه انا مليش في الزمر والبتاع”.