ليلة بكي فيها القمر
Read Time:48 Second
من غير نجوم ولا قمر
النظرة في عيونك سفر
لبلاد حنين .. وبلاد أنين
وبلاد كتير متشوقين نقطة مطر …
معرفش ليه !
القلب خايف الف خوف
ملهوف يعدي العتمة لكن ماله شوف
ملهوف يدوق طعم الحياة
طعم اللقا طوق النجاة
في عنيك بلاقي المنتهى
في عينيك بشوف دقات خطر
هات اللي عندك …….
هات اللي عندك متداريش
متخافش مني
انا حزني علمني البكا من صغر سني
هات اللي عندك متداريش
عصفور وشب بقاله ريش
من غير بشر يقدر يعيش
وانت اللي شده للبشر
على قد شوقك بعترف
كااان فيه ما بينا شيئ فتنا
إحساس لذيذ ومختلف
لكن بقة كتر الفراق
كل البراح في القلب ضاق
بشتاق أضمك…
وابات أحلم بضمة شوق
وبصحى الصبح القى الرمش فيه أشواق
كل الأغاني حنينيين
واشمعنى أنا الناي الحزين
ما تقولي آخر حزني فين
ح تكون لي عش فية جناحين
ولا أنت طير من غير شجر
من غير نجوم
من غير قمر
النظرة في عيونك سفر
لبلاد أنين وبلاد أنين وبلاد كتير
مفيهاش بشر
شعر/ أمال بسيوني
الإسكندرية
Happy
0 %
Sad
0 %
Excited
100 %
Sleepy
0 %
Angry
0 %
Surprise
0 %
0
0
Average Rating