اسنديه يا حيطه مايله
Read Time:34 Second
اسنديه يا حيطه مايله
لسه فاكر انه واقف
روحه عايشه بالمحايله
واللي باقي في عقله خافف
كان مذاكر
لسه فاكر
ولما عدي جوز عساكر
من عُفارهم صدره سافف
دايره بيه ودايره بينا
دنيا شابه بتنادينا
بيشتهيها وتشتهينا
كان لسه واقف في المخالف
كان بيشهد انه شاهد
ع اللي محذوف م المشاهد
اللي واقف شد عوده
واللي ميت قلبه عابد
واللي عايش عمره تالف
جابله قهوه وكبس له بُن
وخبيّ روحه في الف خُن
قاله بكره لو تظُن
قال ما اظُنش أني شايف
مين ناداه وعدي دوره
وساب كلام محشور ف زوره
ولما هاج علقلُه فُله
ولما راح كسرلهُ قُله
ولما مات
كان برضه خايف
شعر / إكرام بشرى
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
1
0
Average Rating