مصطفي شوبير ينفجر دفاعا عن والده

يوليو 7, 2024

Read Time:1 Minute, 6 Second

كتب _ باسل فهمي

قام مصطفى شوبير نجل الكابتن احمد شوبير حارس مرمى النادي الأهلي ومنتخب مصر بالرد على الاتهامات التي تطول والده وتحديد اسمه في قضية وفاة اللاعب أحمد رفعت لاعب مودرن سبورت والمنتخب والذي وافته المنية أثر أزمة قلبية تعرض لها في شهر مارس الماضي وامتد اثرها حتى لقي ربه اول امس الجمعة.

وكتب مصطفى شوبير عبر منشورله على حساباته بمواقع التواصل الاجتماعي: “اتهامات اتهامات وخوض في ذمم بدون علم ولا أي دليل انتو مفرقتوش عن اللي ظلم رفعت في حاجة ودلوقتي بتتهموا ناس ظلم بأذى شخص بدون أي دليل حتى دي عايزينها اهلي وزمالك وتريند أخو اللاعب طلع وقال اسألوا فلان وذکر اسم شخص”.

وتابع شوبير الصغير:”وكيله كان قاعد وحصلت مواجهة بينه وبين الشخص اللى تم ذكر اسمه فين بقى اسم احمد شوبير في جملة مفيده؟ ولا أخو رفعت ولا وكيله ولا المحامي بتاعه قال حاجة أو ذكر اسمه حتى زي ما المفبركين بيكتبوا التريند عمى الناس والاتهامات الباطلة أي حد بيكتب أي حاجة الناس للأسف بتصدقها وخلاص وياريت الناس اللي بتكتب ده درس لينا تبدأ بنفسها الأول ومتظلمش حد تاني باتهامات باطلة بدون أي دليل لأن كده أنت أول واحد متعلمش من اللي حصل وبتعيد الظلم بس بطريقة تانية استقيموا يرحمكم الله”.

واختتم حارس الأهلي : “وسيبكم من التريند كلنا لله راجعون.. أخيرا ربنا يرحمك يا رفعت أكيد أنت في مكان أحسن لا تنسوه من صالح دعائكم” .